Со доаѓањето на времето за берба на голем број на раноградинарски земјоделски производи, стануваат актуелни прашањата за откупот и исплатата на откупените земјоделски производи кој правните лица го вршат од физички лица – земјоделци. Во написот кој може да го симнете со кликнување на повеќе даваме одговори на повеќе прашања поврзани со даночниот третман на откупот на земјоделски производи и оданочувањето на приходите од земјоделска дејност кои ги остваруваат физичките лица земјоделци во 2023 година. Воедно Ви даваме и пречистен текст на Законот за вршење на земјоделска дејност….

По годишната сметка за 2022 година некои компании во Република С. Македонија остварија добивки иако минатата година работеа во тешки услови на стопанисување предизвикани од економската криза изразена преку поскапување на цените на енергенсите, суровините и работната сила. Сопствениците на тие компании сега имаат можност на престојните собранија на акционери кај АД или собир на содружници кај ДОО или од страна на единствениот содужник кај ДООЕЛ да донесат одлука за исплата на дивиденда во 2023 година. Повеќе во однос на сметководствениот и даночниот третман на исплатените дивиденди во 2023 година низ повеќе примери Ви презентираме во Написот кој може да го симнете со кликнување на повеќе…

Во Службен весник на РСМ број 78 од 11 април 2023 година објавена е Одлука за изменување на Одлуката за определување на највисоки цени за одделни производи во трговијата на мало со која е изменета Одлуката која претходно беше објавена во Службен весник на РСМ број 71 од 3 април 2023 година. Со оваа најнова Одлука објавени се нови зголемени цени на одделни производи на зеленчук и овошје во трговијата на мало и на зелените пазари кое ќе се применуваат во периодот од 11 април до 30 април 2023 година. Новите цени во трговијата на мало и на зелените пазари, се презентирани во табелата дадена во продолжение:

Додатоците на плата, меѓу кои и додатокот за работа на празник и неработен ден согласно Законот за празниците на Република Македонија се дел од платата дефинирана со Законот за работните односи. Во пресрет на претстојните верски и државни празници во написот кој може да го симнете со кликнување на повеќе се осврнуваме на пресметката на плата до колку работникот работи за време на празник…

Согласно одредбите на член 2 од Одлуката, трговците кои се регистрирани за вршење на трговска дејност имаат обврска во структурата на дневната набавка на сите видови овошје и зеленчук, да прибавуваат и да продаваат најмалку 70% од погоре наведеното овошје и зеленчук (свежи домати, свежи краставици, кромид, карфиол, свежи зелени пиперки, грав, леќа, банани, портокали, мандарини и лимони), од количините што редовно се прибавувале и продавале во март 2023 година. Исто така трговците кои го увезуваат наведеното овошје и зеленчукот и го продаваат на пазарот во сопствени продавници или на други трговци на големо и мало со прехранбени производи и на зелените пазари, имаат обврска најмалку 70% од увезените количини на овошје и зеленчук да ги стават во промет на домашниот пазар…

Со кликнување на повеќе може да го симнете Написот во кој подетално низ примери Ве запознаваме со ангажирањето на практиканти, пресметката на данок на личен доход и придонеси на надоместокот за практиканство и начинот на пополнување на МПИН пријавата. Исто така ви даваме и Терк на Договор за практикантство, Темплејт за пресметка на данок на личен доход и придонеси на надомест за практиканство во 2023 година и Законот за практиканство…

Законската можност на работникот за дополнително работење кај втор работодавач најмногу до 40 часа месечно ги наметнува следните прашања: Kакви се правата и обврските на работникот при заснован работен однос со дополнително работење? Каква согласност е потребно да даде првиот работодавач? Како се пресметува платата кога постои договор за дополнително работење? Кои социјални придонеси се плаќаат? Дали при пресметката на плата за работа кај втор работодавач се користи лично ослободување и во колкав износ? Во написот кој може да го симнете со кликнување на повеќе даваме одговор на претходно наведените прашања и дилеми кои се наметнуваат при вработување на работници со дополнително работење кај втор работодавач во 2023 година. Воедно Ви даваме и Изјава на согласност за дополнително работење и Пречистен текст на Законот за работните односи.

Во Службен весник на РСМ број 71 од 3 април 2023 година објавена е Одлука за определување на највисоки цени за одделни производи во трговијата на мало. Со оваа Одлука на Владата се определуваат највисоките цени во трговијата на мало на следните производи: свежи домати, свежи краставици, кромид, карфиол, свежи зелени пиперки, грав, леќа, банани, портокали, мандарини и лимони…

Во Службен весник број 70 од 30 март 2023 година објавена е Одлука на Владата на РСМ за определување на највисоки цени за одделни производи во трговијата на мало. Највисоките цени на тоалетната хартија, влажните марамчиња, пелените за деца и возрасни и хигиенските влошки се утврдуваат на нивото на цените кои се применувале на 20 март 2023 година, во трговијата на мало, кои цени се намалуваат за 13%. Оваа владина одлука е донесена врз основа на член 30 став 1 алинеја 2 од Законот за трговија („Службен весник на РСМ“ бр.16/04…150/22) и вака определените највисоки цени ќе се применуваат до 31 мај 2023 година….