Во службен весник на РСМ број 244 од 20 ноември 2023 година објавена е измена на Одлуката за посебни услови за трговијата на одделни стоки. Со измената продолжена е мерката за ограничување на маржата во трговијата на големо и трговијата на мало со свежо овошје и свеж зеленчук до 31 декември 2023 година. Потсетувам дека со Одлуката за посебни услови за трговијата на одделни стоки највисоката трговска (профитна) маржа за свежо овошје и свеж зеленчук за сите трговски друштва и трговци поединци кои учествуваат во трговскиот ланец во трговијата на големо се утврдува во вкупен износ до 10%, а во трговијата на мало се утврдува во вкупен износ до 15%.

Во Службен весник на РСМ број 237 од 9.11.2023 објавена е измена на Одлуката за определување на највисоки цени за одделни производи во трговијата на големо и трговијата на мало. Со измената ограничувањето на цените ќе се однесува само на следните производи: 1) светло пиво во пакување од 1,5 l во шише; 2) газирани пијалоци (сокови) во пакување над 1 l во шише; 3) негазирани пијалоци (сокови) во тетрапак пакување и 4) минерална, газирана и негазирана природна изворска вода во пакување над 1 l во шише.. Измената на Одлуката влегува во сила на 10 ноември 2023 година.

МСФИ Консалтинг на сите свои соработници, пријатели и професионалци кои работат во сметководствената професија им го честита меѓународниот ден на сметководители.

Со член 7 од Законот за изменување и дополнување на Законот за ДДВ (“Службен весник на РСМ” бр.199/23, во сила од 25.09.2023) променет беше член 19 став 5 од Законот за ДДВ за тоа што преставува даночна основа при присилна наплата и присилно извршување со следните одредби: „При преносот на движен и недвижен имот во постапка за присилна наплата и во постапка за присилно извршување, даночна основа претставува постигнатата крајна цена намалена за данокот на додадена вредност, пресметан со примена на пресметковна стапка утврдена врз основа на пропишаната даночна стапка освен во случај кога доверителот се стекнува со движниот или недвижниот имот во постапката на присилна наплата и во постапката за присилно извршување, за што даночна основа претставува постигнатата крајна цена.“ Повеќе во врска со наведената законска новина може да прочитате во написот кој може да го симнете со кликнување подолу на преземи….

Спортисти, согласно член 30 од Законот за спорт, се: спортисти од сите возрасти кои учествуваат во спортски активности и сите учесници во спортско – рекреативните активности. Член 31 од Законот за спорт дефинира дека спортските активности се извршуваат професионално и аматерски. Во написот кој може да го симнете со кликнување на повеќе се осврнуваме на даночниот третман на примањата кои ги остваруваат професионалните спортисти и обврската за плаќање на придонес врз основа на инвалидност и телесно оштетување за спортистите аматери….

Во написот кој може да го симнете со кликнување на повеќе низ примери се осврнуваме на даночниот и сметководствениот третман на авансите во редовниот промет на добра и услуги и на авансите во услови на Reverse Charge при примена на член 32-а од Законот за ДДВ. Исто така даваме одговори и на прашањето Што ако по дадениот аванс и добиената авансна фактура никогаш не настане конечна испорака на добра или услуги ?

Во написот кој може да го симнете со кликнување подолу на преземи низ повеќе примери се осврнуваме на измените во член 19 од Законот за ДДВ во делот кој се однесува на дефинирање на тоа што преставува даночна основа за целите на ДДВ на прометот остварен од увезени употребувани патнички моторни возила…

Во Службен весник на РСМ број 227 од 27 октомври 2023 објавена е Измена на Одлуката за гарантирани цени („Службен весник на Република Северна Македонија“ бр.195/23, 202/23 и 203/23). Со измената се пропишува дека трговците за вршење дејност трговија на мало можат да нудат акциска продажба (акција) за намалување на гарантираната цена на производите/стоките од Одлуката. Исто така со измената на Одлуката, нејзината примена е продолжена за еден месец, односно Одлуката наместо до 30 ноември ќе се применува до 31 декември 2023 година.

Во текот на изминатата недела повеќе физички лица на нивните маил адреси беа известени од страна на УЈП дека врз основа на обработените податоци со кои располага даночната управа (обработените годишни даночни пријави ДЛД-ГДП) било утврдено дека во текот на 2022 година оствариле приходи над 2.000.000 и истите се повикани до 31 октомври 2023 година да достават договори и докази за основите по кои се остварени ваквите приходи. Ваквите активности на УЈП повторно го актуелизираат прашањето за физичките лица во системот на ДДВ на што се осврнуваме во написот кој може да го преземете со кликнување на повеќе…