Актуелности
МСФИ Напис: Поднесување на ДДВ пријава за последен даночен период од 2024 година со осврт на некои специфичности при составување на ДДВ пријавата
ДДВ пријавата за последниот даночен период од 2024 година согласно член 41 од Законот за данокот на додадена вредност, даночните обврзници се должни да ја достават најдоцна до 25 Јануари 2025 година. Во оваа ДДВ пријава покрај останатото треба да се вклучат и одредени корективни износи кои произлегуваат од претходните даночни периоди во 2024 година. Во написот кој може да го симнете со кликнување на повеќе се осврнуваме на одредени специфичности кои може да се јават при пополнување на ДДВ пријавата за последниот даночен период од 2024 година…
МСФИ Напис: Казнената камата за периодот од 1 јануари до 30 јуни 2025 година изнесува 15,55% за правни лица, односно 13,55% за физички лица
Согласно Објавата на НБРСМ на нејзината веб страна, референтната стапка за пресметување на стапката на казнената камата, за периодот од 1 Јануари 2025 година до 30 Јуни 2025 година изнесува 5,55%. Врз основа на наведеното ЗА ДОЛГ ВО ДЕНАРИ казнената камата во периодот од 1 Јануари до 30 Јуни 2025 година изнесува: во облигационите односи помеѓу правни лица стапката е 15,55%; во облигационите односи од кои барем едно лице е физичко лице стапката е 13,55%…
МСФИ потсетување: 15 јануари 2025 година краен рок за уплата на 2% од вкупните приходи за работа во недела и државни празници
Во член 25 став 8 од Законот за трговија пропишана е обврска за вршителите на дејност трговија на мало за плаќање на посебен надоместок во висина од 2% од вкупниот приход остварен во претходната година. Обврската за плаќање на овој надомест се однесува исклучиво за остварените приходи во ден недела и на државни празници од: продавниците на бензиски станици при што за остварен приход се смета вкупниот приход остварен од трговија на мало, без приходот остварен од продажбата на моторни горива (нафтени деривати) и од продавници во трговски центри (молови) кои ги исполнуваат минимално техничките услови согласно со прописот од членот 22 став 2 од овој закон. Токму на оваа обврска на трговците на мало која ќе треба да се плати до 15 јануари 2025 година низ примери се осврнуваме во написот кој може да го симнете со кликнување на повеќе…
МСФИ потсетување: 15 јануари 2025 година краен рок за регистрација и дерегистрација од системот на ДДВ
Во Написот кој може да го симнете со кликнување на повеќе се осврнуваме на законските обврски на субјектите за задолжителна регистрација за целите на ДДВ и можноста која ја дава Законот за ДДВ за доброволна регистрација. Укажуваме и на можноста за одбивка на влезниот ДДВ во залихите набавени пред регистрација, а со цел да не дојде до двојно оданочување на залихите (еднаш кога при набавката не било одбиено влезното ДДВ и втор пат кога истите ќе се продаваат од страна на сега ново регистрираниот ДДВ обврзник. Исто така Ви го даваме и написот за физичките лица во системот на ДДВ, во кој даваме одговори на повеќе прашања кои се однесуваат на регистрацијата на физичките лица за целите на ДДВ…
Excel алатки за составување на Годишната сметка за 2024 година за профитни друштва, непрофитни субјекти, буџетски корисници, ТП и СВД
Со кликнување на повеќе може да преземете Excel алатки за составување на Годишната сметка за 2024 година за профитни друштва, непрофитни субјекти, буџетски корисници, ТП и СВД…
Објавена Нова тарифа на надоместоци на Централниот Регистар на РСМ
На веб страната на Централниот Регистар на РСМ објавена е Нова тарифа на надоместоци вклучително и нови надоместоци за обработка на годишна сметка и финансиски извештаи за 2024 година. Новата тарифа е донесена врз основа на член 18-а од Законот за Централен Регистар (Службен весник на РМ бр. 50/01..83/18 и Службен весник на РСМ бр. 311/20 и 235/24) и усвоена од Управниот одбор на Централниот регистар на РСМ на седницата одржана на 16.12.2024 донесе. Новата тарифа може да ја преземете од следниот линк…
Примена на новата национална класификација на дејностите (НКД Рев.2.1.) при изготвување на годишната сметка за 2024 година
Во Службен весник на РСМ број 35 од 14 февруари 2024 година беше објавена Одлука за донесување на националната класификација на дејностите – НКД Рев.2.1. Новата НКД Рев.2.1. ќе се применува и при пополнување на годишната сметка за 2024 година (при пополнување на СПД Образецот и на останатите полиња на обрасците од Годишна сметка за 2024 година). Со кликнување на повеќе може да преземете повеќе корисни материјали и тоа: Excel фајл со табела за споредба меѓу старите и новите шифри на дејност (споредба на односите меѓу шифрите од НКД Рев 2 и НКД Рев 2.1), Одлуката објавена во Службен весник за донесување на националната класификација на дејностите – НКД Рев.2.1., Издание на ДЗС со објаснување за НКД Рев.2.1, Презентација на ДЗС за НКД Рев.2.1. и Инфо за составување на СПД образецот по годишна сметка за 2024 година…
МСФИ е Вести: Процентот за МДБ за аконтацијата за месец декември 2024 година е позитивен и изнесува 3,8%
Податокот за процентот на МДБ за аконтацијата за данок на добивка за месец декември 2024 е позитивен и изнесува 3,8%. Врз основа на наведеното месечната аконтација на данокот на добивка за месец декември 2024 година која треба да се плати до 15 јануари 2025 година…
МСФИ Напис: Новини во Законот за трговските друштва
На 27.12.2024 година, во „Службен весник на РСМ“ бр.272, објавен е Законот за измени и дополнувања на Законот за трговските друштва („Службен весник на РСМ“ бр. 28/04…99/22). Повеќе за овие измени во Законот за трговски друштва, може да прочитате во написот кој може да го симнете со кликнување на повеќе. Исто така Ви даваме и пречистен текст на Законот за трговските друштва.
МСФИ Вести: Објавен Законот за минимален глобален данок на добивка
Во Службен весник на РСМ број 3 од 3 јануари 2025 година објавен е Законот за минимален глобален данок на добивка. Напоменуваме дека претходно, Собранието на РСМ на својата 28-ма пленарна седница одржана на 27 декември 2024 година, го донесе Законот за минимален глобален данок на добивка во скратена постапка. Законот за минимален глобален данок на добивка се однесува на оние групи на мултинационални компании и на оние големи домашни групи кои на консолидирана основа оствариле повеќе од 750 милиони евра приходи во две од претходните четири години. Според тоа со овој закон ќе бидат опфатени матичните компании и нивните поврзани субјекти кои го исполнуваат условот за остварениот праг на приходи. Со кликнување подолу на преземи може да го симнете Законот за минимален глобален данок на добивка објавен во Службен весник и образложението на Законот од страна на Министерството за финансии…
Одложена примената на МСФИ 9 – Финансиски инструменти од 1 јануари 2028 година
Во Службен весник на РСM, број 274 од 30.12.2024 година објавено е Дополнување на Правилникот за начинот на водење сметководство („Службен весник на РСМ“ бр. 75/24), со кое е одложена примената на МСФИ 9 – Финансиски инструменти од 1 јануари 2028 година. Со членот 2 од дополнувањето на Правилникот, се прецизира дека друштвата за осигурување продолжуваат да ги применуваат МСФИ 4 Договори за осигурување и МСС 39 Финансиски инструменти: признавање и мерење дадени во Прилог на Правилникот за водење сметководство („Службен весник на РМ“ бр. 159/09, 164/10 и 107/11) до 31 декември 2027 година…
