Кога работникот стекнува право на годишен одмор, во колкаво траење и на кој начин ќе го користи, уредено е со одредбите од член 137 до член 145 од Законот за работните односи, а одредби за определување на времетраењето на годишниот одмор содржат и општите колективни договори и колективните договори на ниво на гранка односно оддел. Во написот кој може да го симнете со кликнување на повеќе се осврнуваме на користењето на годишен одмор, надомест за неискористен годишен одмор и исплата на регрес за годишен одмор во 2025 година. Воедно Ви даваме и повеќе теркови како што се: Решение за годишен одмор, Решение за користење пропорционален дел од годишен одмор, Oдлука за исплата на регрес, Спогодба за исплата на регрес во помал износ и Одлука за исплата на надоместок за неискористен годишен одмор. Ви го даваме и пречистениот текст на Законот за работните односи…

Сметководствениот третман на земјиштето и градежните објекти како форми на долгорочни материјални средства кои се трошат при вршењето на основната дејност на друштвото го уредува МСС 16-Недвижности, постројки и опрема и Оддел 17 од МСФИ за МСЕ. Вложувањата заради подобрување на функционалноста на земјиштето како што се изградба на патишта и улици, канали за одводнување, тротоари, паркиралишта и огради се сметаат за градежни објекти, односно долгорочни материјални средства. Во написот кој може да го симнете со кликнување на повеќе низ примери се осврнуваме на сметководствениот и данониот третман на вложувањата во уредување на просторот околу компаниите, изградба на пристапен пат, паркинг простор, патеки и хортикултурно уредување…

Од страна на Собранието на РСМ на 49-тата пленарна седница одржана на 20 мај 2025 година беше изгласан Законот за работно ангажирање на лица. Законот е објавен во Службен весник број 104 од 26 мај 2025 година и влегува во сила осмиот ден од неговото објавување, односно на 3 Јуни 2025 година. Согласно член 27, Законот ќе започне да се применува од 1 јануари 2026 година. Со Законот се овозможува поедноставена постапка при ангажирање на лица за вршење сезонски или повремени работи со обезбедување одделни права од социјално осигурување на ангажираните лица (пензиско и инвалидско осигурување и дополнително здравствено осигурување во случај на повреда и несреќа на работа. Со кликнување на повеќе, може да презмете Напис во кој подетално се осврнуваме на новиот Закон за работно ангажирање на лица за повремени и сезонски работи. Воедно Ви го даваме за преземање и текстот на Законот, а ви даваме и презентација во Microsoft Power Point…

Согласно член 148 од Законот за работните односи („Службен весник на РСМ“ бр.62/05…272/24), работникот има право на отсуство од работа со надоместок на плата за празниците на Република Северна Македонија, коишто се определени како слободни денови од работа и за другите со закон определени слободни денови. Но, ова право на работникот може да му се ограничи, ако работниот, односно производниот процес се одвива непрекинато или природата на работата бара вршење на работата и на празничен ден. Во Написот кој може да го симнете со кликнување на повеќе даваме одговор на прашањето кој смее да работи на државен празник како што е во сабота е 24 Мај Св. Кирил и Методиј Ден на сесловенските просветители, и како се пресметува платата за работа на државен празник кој се паѓа во сабота…

Имотот кој го вложуваат содружниците при основањето на едно друштво може да се состои од: парични и непарични влогови, при што како лица кои вложуваат, односно содружници, можат да се јават домашни и странски физички или правни лица. При пренесувањето на стварите (подвижни и недвижни) и правата кои содружниците ги вложуваат во друштвото логично се наметнува прашањето: Дали непаричниот основачки влог на содружниците се оданочува со ДДВ ?

Со одредбите на член 191 став 1 од ЗТД е пропишано: “Со договорот за друштвото може да се определи сите или одделни содружници да се обврзат да дадат дополнителни доплати над износот на влогот само кога е тоа потребно за покривање на загубите или за привремена неопходна потреба од парични средства.” Со дополнителните доплати, кои по правило имаат долгорочен карактер, се овозможува друштвото да стекне парични средства од содружниците, без зголемување на влоговите на содружниците. Во написот кој може да го симнете со кликнување на преземи, подетално низ примери се осврнуваме на законската можност за покривање на загубите на друштвото преку дополнителни доплати уплатени од страна на содружниците, односно акционерите…

Во Службен весник на РСМ, број 95,од 13.05.2025 година, објавен е нов Правилник за минимално-техничките услови на објектите за вршење на туристичка дејност. Правилникот е донесен врз основа на член 8 став 2 од Законот за туристичката дејност („Службен весник на РМ” бр. 62/04…16/25, и со него се пропишуваат минимално-техничките услови на објектите за вршење на туристичка дејност. Правилникот влегува во сила наредниот ден од денот на објавувањето во „Службен весник на РСМ (14.05.2025 година) и со негово влегување во сила престанува да важи стариот Правилник за минимално-техничките услови на објектите за вршење на туристичка дејност

Со доаѓањето на времето за берба на голем број на земјоделски производи, стануваат актуелни прашањата за откупот и исплатата на откупените земјоделски производи кој правните лица го вршат од физички лица – земјоделци. Во написот кој може да го симнете со кликнување на повеќе даваме одговори на повеќе прашања поврзани со даночниот третман на откупот на земјоделски производи и оданочувањето на приходите од земјоделска дејност кои ги остваруваат физичките лица земјоделци во 2025 година, вклучително и оние кои се регистрирани за целите на ДДВ…