Актуелности
Објавена Одлуката на Уставен Суд: Укинати член 2 и 4 од Законот за измени и дополнувања на Законот за облигациони односи (рокот на застареност на побарувањата на доверителите останува десет години)
Уставниот суд на РС Македонија со одлука У.бр.98/2024 и 139/2024 од 25.09.2024 година објавена во Службен весник на РСМ број 209 од 10.10..2024 година, ги укина член 2 и член 4 од Законот за измени и дополнувања на Законот за облигациони односи („Службен весник на РСМ“ бр.154/23) и го стави вон сила Решението за запирање на извршувањето на поединечните акти или дејствија што се преземени врз основа на член 2 и член 4 од Законот за изменување и дополнување на Законот за облигационите односи…
МСФИ Напис: Дисциплинска одговорност на сметководител и овластен сметководител (Осврт врз Законот за вршење на сметководствени работи и Правилникот за дисциплинска одговорност)
Со Законот за вршење на сметководствени работи, утврдени се обврските на сметководителот, односно овластениот сметководител и уредена е постапка за утврдување на одговорност во случаи на непостапување или постапување спротивно на одредбите од овој закон, законите со кои се регулира водењето на сметководството, Кодексот на етика за професионални сметководители и актите на Институтот на сметководители и овластени сметководители. Дисциплинската постапка подетално е уредена со Правилник за дисциплинска одговорност. Повеќе за наведеното може да прочитате во Написот кој може да го преземете со кликнување на повеќе…
МСФИ е Вести: Процентот за МДБ за аконтацијата за месец септември 2024 година е позитивен и изнесува 3,3%
Податокот за процентот на МДБ за аконтацијата за данок на добивка за месец септември 2024 е позитивен и изнесува 3,3%. Врз основа на наведеното месечната аконтација на данокот на добивка за месец септември 2024 година која треба да се плати до 15 октомври 2024 година…
ВАЖНО: МСФИ Консалтинг организира КПУ обуки во месец Октомври 2024 година
Почитувани колеги,
МСФИ КОНСАЛТИНГ организира еднодневни онлајн КПУ обуки број 3/2024-8 часа во ОКТОМВРИ 2024 година во следните термини:
– 29 Октомври 2024 (вторник)
– 31 Октомври 2024 (четврток)
МСФИ Напис: ДДВ и сметководствен третман на вредносните ваучери
Вредносните ваучери може да бидат еднонаменски или повеќенаменски. Еднонаменски вредносен ваучер се смета за вредносен ваучер за кој место на промет на добрата, односно место на промет на услугите, на кои се однесува вредносниот ваучер, како и износот на данок на додадена вредност кој треба да се пресмета и плати за прометот на тие добра и услуги е познат во времето на издавање на вредносниот ваучер. Повеќенаменскиот вредносен ваучер е вредносен ваучер кој не е еднонаменски вредносен ваучер. Повеќе во однос на ДДВ и сметководствениот третман на вредносните ваучери може да прочитате во написот кој може да го симнете со кликнување на повеќе…
МСФИ Напис: Даночен и сметководствен третман на авансите
Во написот кој може да го симнете со кликнување на повеќе низ примери се осврнуваме на даночниот и сметководствениот третман на авансите во редовниот промет на добра и услуги и на авансите во услови на Reverse Charge при примена на член 32-а од Законот за ДДВ. Исто така даваме одговори и на прашањето Што ако по дадениот аванс и добиената авансна фактура никогаш не настане конечна испорака на добра или услуги ?
МСФИ Напис: Примена на Законот за забрана на нефер трговски практики во синџирот на снабдување на земјоделски и прехранбени производи
Со Законот за забрана на нефер трговски практики во синџирот на снабдување на земјоделски и прехранбени производи предвиден е период од 6 месеци за усогласување на договорите склучени меѓу добавувачите и купувачите. Со кликнување на повеќе може да со преземете написот во кој се осврнуваме на повеќе прашања поврзани со примената на Законот за забрана на нефер трговски практики во синџирот на снабдување на земјоделски и прехранбени производи. Исто така Ви ја даваме и соодветната законска и подзаконска регулатива и некои корисни материјали поврзани со имплементација на законот…
МСФИ Напис: Законски и даночен третман на прометот на добра и услуги кон Bechtel и Enka JV при изградба на инфраструктурниот коридор 8 делница: Тетово – Гостивар – Букојчани и проект за автопатот Требеништа – Струга – Ќафасан и коридор 10 д – делница на автопатот Прилеп – Битола
Со кликнување на повеќе може да го преземете написот во кој подетално низ примери се осврнуваме на нормативниот но и на даночниот третман на прометот на добра и услуги кој се реализира при изградбата на овие инфраструктурни проекти…
МСФИ Вести: Објавена Одлуката за ограничување на бруто профитната маржа на дел од основните прехранбени производи до 10% во трговијата на големо и трговијата на мало
Во Службен весник на ТСМ број 196 од 23 септември 2024 година објавена е Одлука за посебни услови за трговијата на одделни стоки и обврска на трговците да прибавуваат и продаваат определени видови и количества на одделни стоки на потрошувачите според определен редослед. Со одлуката највисоката бруто профитна маржа за стоките наведени во Одлуката за сите трговски друштва и трговци поединци кои учествуваат во трговскиот ланец се утврдува во вкупен износ до 10% во трговијата на големо и во вкупен износ до 10% во трговијата на мало…
Податоци за плата и надоместоци од работен однос за периодот Септември 2024 – Октомври 2024 година
Во продолжение може да ги симнете податоците за плата и надоместоци од работен однос за 2024 година заклучно со периодот септември 2024 – октомври 2024 година согласно соопштенијата на Државниот Завод за статистика од 20.09.2024 година…
Стручно списание МСФИ СОВЕТНИК Септември 2024 година
Со кликнување на повеќе може да го преземете СЕПТЕМВРИСКИОТ број од 2024 година на стручното списание од областа на сметководството, даноците и финансиите МСФИ СОВЕТНИК…