Со приближувањето на новогодишните празници прашањата за давање на новогодишен надоместок и новогодишни пакетчиња за вработените и давањето на пригодни новогодишни подароци на деловните партнери на друштвото остануваат актуелни. Во написот кој може да го симнете со кликнување на повеќе се осврнуваме на законската регулатива која ги уредува наведените прашања како и на сметководствениот и даночниот третман на наведените трошоци кои настануваат на крајот на 2023 година.

Врз основа на заклучоците донесени на 199 седница на Владата на Република Северна Македонија, одржана на 14.11.2023 година, Министерството за труд и социјална политика известува дека: Сите вработени во државната и јавната администрација на територијата на градот Скопје на 29-ти ноември 2023 година (среда) ќе работат со скратено работно време до 12:00 часот, а 30-ти ноември 2023 година (четврток) се определува за неработен ден за сите вработени во државната и јавната администрација, на подрачјето на град Скопје. Истиот нема да се одработува.

Во написот кој може да го симнете со кликнување на повеќе низ повеќе примери се осврнуваме на даночниот третман на немонетарните бенефиции за вработени во кој исто така ви презентираме и мислење на министерството за финансии кое се однесува на користењето на службени моторни возила или други превозни средства за приватни цели…

Со Предлог Законот за забрана на нефер трговски практики во синџирот на снабдување на земјоделски и прехранбени производи, се уредуваат правила и мерки за спречување на наметнување нефер трговски практики, кои отстапуваат од доброто трговско однесување и се утврдуваат нефер трговски практики во синџирот на снабдување со земјоделски и прехранбени производи со чие наметнување се искористува значителната преговарачка моќ на купувачот во однос на неговите добавувачи. Со цел за ваше информирање во написот кој може да го симнете со кликнување на повеќе се осврнуваме на предложеното законско решение….

Во службен весник на РСМ број 244 од 20 ноември 2023 година објавена е измена на Одлуката за посебни услови за трговијата на одделни стоки. Со измената продолжена е мерката за ограничување на маржата во трговијата на големо и трговијата на мало со свежо овошје и свеж зеленчук до 31 декември 2023 година. Потсетувам дека со Одлуката за посебни услови за трговијата на одделни стоки највисоката трговска (профитна) маржа за свежо овошје и свеж зеленчук за сите трговски друштва и трговци поединци кои учествуваат во трговскиот ланец во трговијата на големо се утврдува во вкупен износ до 10%, а во трговијата на мало се утврдува во вкупен износ до 15%.