Почитувани колеги !!!

МСФИ Консалтинг Ве поканува на ЕДНОДНЕВНО ON LINE СОВЕТУВАЊЕ за новините во законските прописи, сметководството и даноците во следните термини:
28 Мај 2021 (петок)
4 Јуни 2021 (петок)
5 јуни 2021 (сабота)

На веб страната на Министерството за економија објавен е Јавен повик за пријавување на интерес од угостителските објекти за сместување за прием на гости кои ќе добијат Потврда за одмор на работници со ниски приходи во вредност од 12.000,00 денари. Крајниот рокот за поднесување на барањето е 31 Мај 2021 година. Барањата со комплетна документација се доставуваат во Архивата на Министерството за економија, лично или преку пошта на адреса: ул.”Јуриј Гагарин” 15, Скопје

На веб страната на Владата е објавен Јавен повик за доделување на финансиска поддршка за регистрирани фотографски студија и фитнес центри. Крајниот рок на пријавување е 01.06.2021.

Каков е даночниот третман на платените комунални – режиските трошоци платени на име на физичкото лице – закуподавач при закуп на станбен или деловен простор. Дали и на овие трошоци закупецот е должен да пресмета и плати данок на личен доход ? Во написот кој може да го симнете со кликнување подолу на преземи нив повеќе примери се осврнуваме на наведената даночна проблематика, а воедно Ви даваме и писмен одговор на Управата за јавни приходи…

Kакви се правата и обврските на работникот при заснован работен однос со дополнително работење? Каква согласност е потребно да даде првиот работодавач? Како се пресметува платата кога постои договор за дополнително работење? Кои социјални придонеси се плаќаат? Дали при пресметката на плата за работа кај втор работодавач се користи лично ослободување и во колкав износ? Во написот кој може да го симнете со кликнување на повеќе даваме одговори на претходно наведените прашања и го објаснуваме начинот на пресметка на плата и социјални придонеси во 2021 година.

На Веб страницата на Владата објавени се неколку јавни повици за давање на поддршка за стопанството заради справување со негативните економски последици од здравствено економската криза предизвикана од COVID-19 и тоа: Јавен повик за доделување финансиска поддршка на естрадни уметници, Јавен повик за финансиска поддршка на лиценцирани туристички агенции, Јавен повик за доделување на финансиска поддршка за лиценцирани вршители на угостителска дејност кабаре, ноќен бар, дискоклуб и дискоклуб на отворен простор, Jавен повик за доделување на финансиска поддршка за регистрирани игротеки и приватни детски одморалишта, Јавен повик за доделување на финансиска поддршка за регистрирани и категоризирани ресторани за свадби…