Просечната плата по работник во Република Македонија, според податоците на Државниот завод за статистика објавени во Јануари 2014 година изнесува 30.902 денари.
Просечната плата се користи за утврдување на најниската и највисоката основица за пресметка на придонесите од задолжително социјално осигурување и тоа за пресметките за плата кои се однесуваат за месец Јануари до Декември 2014 година (согласно член 15 и 16 од Законот за придонеси од задолжително социјално осигурување).
- Најниската основица за пресметка на придонесите за 2014 година изнесува 15.451,00 денари (50% од 30.902,00).
- Највисока основица за пресметка на придонесите за 2014 година изнесува 185.412,00 денари (6 x 30.902,00).
Во „Службен Весник на РМ“ број 189/13 од страна на Министерството за Финансии беше објавено личното ослободување за 2014 година. Согласно објавата, личното ослободување по основ на лични примања од плата од работен однос и пензија, месечно се утврдува во износ од 7.276,00 денари и ќе почне да се користи со исплатата на јануарската плата за 2014 година.