Процентот на кумулативниот пораст на цените на мало за периодот Јануари – Јуни 2012 во однос на просекот за 2011 година изнесува 3,0%. Наведениот процент се користи за пресметка на месечната аконтација на данокот на добивка за месец Јуни 2012 година.
Потсетуваме дека даночните обврзници на данок на добивка немаат обврска да доставуваат образец “МДБ“ до УЈП. Месечните аконтации на данокот на добивка се утврдуваат во износ од една дванаестина од утврдениот данок во даночниот биланс ДБ за претходната година зголемени за процентот на кумулативниот пораст на цените на мало во Републиката од претходниот период од годината односно до 31 јануари наредната година, во однос на просечните цени на мало во претходната година. Месечните аконтации се плаќаат во рок од 15 дена по истекот на секој календарски месец, односно за аконтацијата за месец Јуни најдоцна до 15 Јули 2012.
