Регулаторната Комисија за Енергетика ги објави новите цени на горивата. Бензинот останува со иста цена, а дизелот ќе поефтини! Согласно нивната методологија за пресметка на цените на горивата, цените се намалуваат за 1.47 проценти. Цената на ЕУРОСУПЕР-95 останува 80,50 денари, а онаа на ЕУРОСУПЕР-98 82,00 денари – односно исто како изминатите две седмици. Од денес, цената на ЕУРОДИЗЕЛ-от ќе изнесува 71,50 денари, односно 1,50 денари помалку.
Цените стапуваат на сила од вечерва на полноќ, а ќе важат следните две седмици.
