Се известуваат сите субјекти должни за доставување на годишните сметки за 2013 година до Регистарот за годишни сметки при Централниот регистар на Република Македонија за следното:
1. Приемот на годишните сметки за 2013 година на сите видови на субјекти се врши во сите регистрациони канцеларии при Централниот регистар на РМ на чија територија се наоѓа седиштето на субјектот.
Субјектите кои се должни согласно законската регулатива да поднесат годишна сметка до регистарот на годишни сметки, при поднесувањето на обрасците, потребно е задолжително да приложат доказ (оригинален или заверен документ) за извршената уплата согласно Тарифата на Централниот регистар на Република Македонија.
На налогот за плаќање, во делот “Цел на дознака” задолжително да се запише:
За сите видови на субјекти заедно со пропишаните обрасци се доставува и заверена Изјава од подносителот под морална, материјална и кривична одговорност за точноста и вистинитоста на податоците искажани во годишната сметка и финансискиот извештај, освен кога годишната сметка и финансискиот извештај се поднесуваат во електронска форма, при што истата се потпишува со електронски потпис.
Субјектите се должни да достават и копија од Уверението за сметководител / овластен сметководител, согласно Законот за сметководството, издадено од Министерството за финансии.
Субјектите кои немаат деловна активност треба да достават „ИЗВЕСТУВАЊЕ“ за немање на деловна активност во тековната година. Преземи
Нема да се примаат „празни годишни сметки“.
2. Обврзници за доставување на годишна сметка се:
2.1. Субјекти од нефинансискиот сектор кои вршат трговска дејност заради остварување добивка, согласно Законот за трговски друштва („Сл. Весник на РМ“ бр. 28/04, 84/05, 25/07, 87/08, 42/10, 48/10, 24/11, 166/12 и 70/13), доставуваат податоци на пропишаните обрасци, согласно Правилникот за формата и содржината на годишната сметка („Сл. Весник на РМ“ бр. 52/11, 174/11), односно вршат дејност утврдена со НКД и се обврзници на данок од добивка.
2.2. Буџетските корисници (корисници на единиците на локалната самоуправа, буџетите и фондовите, корисниците и единките корисници на средствата од буџетите, како и на другите правни лица за кои средствата за вршење на основната дејност претежно се обезбедуваат од буџетите) кои работат согласно Законот за сметководство на буџетите и буџетските корисници („Сл. Весник на РМ“ бр. 61/02, 98/02 и 81/05) и кои сметководството го водат согласно Правилникот за сметководството на буџетите и буџетските корисници („Сл. Весник на РМ“ бр. 28/03, 62/06, 8/09, 175/11), Правилникот за содржината на одделните сметки во сметковниот план на буџетските корисници и Правилникот за обликот и содржината на билансот на состојбата и билансот на приходите и расходите за буџетите и буџетските корисници („Сл. Весник на РМ“ бр. 79/03, 74/05 и 109/05, 88/09, 175/11).
2.3. Буџетот на Републиката, буџетите на единиците на локалната самоуправа и на буџетите на фондовите, кои работат согласно Законот за сметководство на буџетите и буџетските корисници („Сл. Весник на РМ“ бр. 61/02, 98/02 и 81/05) и кои сметководството го водат согласно Правилникот за сметководството на буџетите и буџетските корисници („Сл. Весник на РМ“ бр. 28/03, 62/06, 8/09, 175/11), Правилникот за содржината на одделните сметки во сметковниот план на буџетските корисници и Правилникот за обликот и содржината на билансот на состојбата и билансот на приходите и расходите за буџетите и буџетските корисници („Сл. Весник на РМ“ бр. 79/03, 74/05 109/05, 88/09, 175/11).
2.4 Непрофитните организации (стопанските комори, здруженија на граѓани и фондации, други облици на здружување, политичките партии, верските заедници, религиозните групи и други, Црвениот крст на Република Мекедонија, здруженија на странци, странски и меѓународни невладини организации, хуманитарни организации и здруженија, синдикатите и други правни лица основани со посебни прописи) кои работат согласно Законот за сметководство на непрофитните организации („Сл. Весник на РМ“ бр. 24/03) и водат сметководство согласно Правилникот за сметководството на непрофитните организации („Сл. Весник на РМ“ бр. 42/03, 08/09, 175/11), Правилникот за сметковниот план и билансите на непрофитните организации („Сл. Весник на РМ“ бр. 117/05 и 11/06) и Правилникот за содржината на одделните сметки во сметковниот план на непрофитните организации („Сл. Весник на РМ“ бр. 117/05).
2.5. Самостојни вршители на дејност (физичко лице-трговец, трговец поединец, како и физичко лице кое се занимава со земјоделска дејност, со занаетчиска дејност и лице кое врши услуга или слободно занимање), кои остваруваат приходи од вршење на дејност утврдена согласно со член 28 од Законот за Персоналниот данок на доход („Сл.весник на РМ“ бр. 80/93….139/09), согласно Правилникот за формата, содржината и начинот на водењето на работните книги и помошната евиденција на даночните обврзници што вршат самостојна дејност („Сл. Весник на РМ“ бр. 1/88….22/11).
2.6. Субјекти од финансискиот сектор (Банки и други финансиски институции) кои работат согласно Законот за трговски друштва („Сл. Весник на РМ“ бр. 28/04, 84/05,25/07, 87/07,42/10, 48/10), Законот за банки („Сл. Весник на РМ“ бр. 67/07,90/09) и Правилникот за формата и содржината на годишната сметка за банки и други финансиски институции („Сл. Весник на РМ“ бр. 4/10).
2.7. Друштва за осигурување кои согласно Законот за осигурување имоти и лица („Сл. Весник на РМ“ бр. 35/01, 4/02) вршат работи на осигурување на имоти и лица и други работи на осигурување и кои сметководството го водат согласно на Законот за трговски друштва („Сл. Весник на РМ“ бр. 28/04, 84/05, 25/07, 87/08, 42/10, 48/10), Правилникот за формата и содржината на билансните шеми за осигурителните и реосигурителните друштва и Правилник за водење на сметководство („Сл. Весник на РМ“ бр. 4/12)
3. Субјектите можат да се информираат на WEB страницата на ЦР (www.crm.com.mk) за нивното распоредување по големина врз основа на податоците од годишната сметка за 2012 година (провери големина на правен субјект). Од извршеното распоредување произлегува обврската за доставување на финансиски извештаи од страна на средните и големите трговски друштва, како и доставување на податоците од годишните сметки исклучиво во електронска форма.
4. Согласно Тарифата донесена од Владата на Република Македонија, при доставувањето на годишните сметки, субјектите треба да уплатат надоместок за обработка на годишната сметка, на сметките на Централниот регистар:
- 200000810380672 депонент на Стопанска банка АД Скопје,
- 210055498500119 депонент на Тутунска банка АД Скопје,
- 290100000070565 депонент на ТТК банка АД Скопје,
- 250001000400008 депонент на Шпаркасе банка АД Скопје,
- 500000000564373 депонент на Стопанска банка АД Битола,
- 240010001589325 депонент на УНИ банка АД Скопје
- 320100002836960 депонент на ЦК банка АД Скопје
- 2700554985500126 депонент на Халкбанк АД Скопје
5. Начин на доставување на годишните сметки и финансиските извештаи
Доставувањето на годишните сметки може да се врши во канцелариите на Централниот регистар во хартиена форма или преку интернет страницата на Централниот регистар, согласно Правилникот за начинот и условите за поднесување на годишната сметка во електронска форма („Сл. Весник на РМ“ бр. 7/13)
Во Централниот регистар се примаат годишните сметки во хартиена форма на пропишаните обрасци, со задолжително внесени податоци од страна на самите субјекти за идентификација: назив, седиште, ЕМБС (матичен број – во заглавието на обрасците (во кодексите 4 до 11), податок за даночниот број, големина на субјектот, како и запишан телефон за контакт.
Годишната сметка се доставува во еден примерок со пропратно писмо во два примероци, на кое Централниот регистар со приемен штембил го потврдува доставувањето на годишната сметка. Податоците во обрасците треба да се читливо пополнети со хемискo пенкало или на компјутер, а износите да се искажани во денари.
Годишната сметка и финансиските извештаи ги потпишува сметководителот, односно овластениот сметководител кој ги составил, при што го наведува датумот на нивното составување и потпишување и регистарскиот број под кој е евидентиран во Министерството за финансии и законскиот застапник на субјектот.
Податоците од годишната сметка составена и потпишана согласно со Закон, кои до Централниот регистар се доставуваат во електронска форма се потпишуваат со електронски потпис на сметководителот, односно овластениот сметководител кој ја составил годишната сметка или на законскиот застапник на субјектот.
Рокот за доставување на годишната сметка за субјектите е утврден во пооделните законски прописи. Субјектите кои нема да ги достават годишните сметки во законски утврдени рокови, плаќаат посебен надоместок утврден со Тарифата на Централниот регистар.
За субјектите од член 469 став 2 од Законот за трговски друштва (средни и големи) произлегува обврската за доставување и финансиски извештаи усогласени со меѓународните сметководствени стандарди и стандардите за финансиско известување. Годишната сметка и финансиските извештаи за средните и големите субјекти усогласени со меѓународните њсметководствени стандарди и стандардите за финансиско известување, согласно член 477 став 9 од ЗТД, се доставува до Централниот регистар само во електронска форма.
Корисниците на буџетот кои доставуваат повеќе годишни сметки на самиот образец во горниот десен агол го запишуваат бројот на основната сметка според Планот на сметки (785, 786, 787, 788, 789 и сл) и индивидуалната партија.
6. Со Правилникот за начинот и условите за поднесување на годишната сметка во електронска форма („Сл. Весник на РМ“ бр. 7/13) предвидено е доставување во електронска форма преку интернет.
Централниот регистар изврши надоградба на апликативното решение за електронско поднесување на годишни сметки, каде што во системот за електронско поднесување на годишна сметка имплементирана е можноста со еден клик сите податоци од сметководствениот програм со користење на xml датотека директно да се пренесат на соодветното АОП во пропишаните обрасци од годишната сметка.
За да може сметководител / овластен сметководител или законскиот застапник по закон да поднесе годишна сметка по електронски пат треба: да има отворено кориснички налог во системот на Централниот регистар, да прикачи валиден дигитален потпис, да се воспостави асоцијација помеѓу сметководителот и субјектот за кој ќе се поднесува годишна сметка по електронски пат, да се пополнат сите обрасци од годишната сметка и да се плати соодветна тарифа исклучиво со платежна картичка која поддржува електронско плаќање.
За поврзување на сметководителот и субјектот за кој годишната сметка ќе се поднесува по електронски пат, субјектот задолжително мора да има регистрирано валидна е-маил адреса во Трговскиот регистар и Регистарот на други правни лица.
Дадена е можност податоците да се искажат и достават како на пропишаните обрасци во хартиена форма испечатени од страна на печатари, исто така и на обрасците кои се истакнати на WEB страницата на Централниот регистар на Република Македонија, кои по форма и содржина одговараат на веќе пропишаните обрасци од страна на Министерството за финансии и објавени во Службен весник на Република Македонија, пополнети и уредно потпишани од страна на овластените лица. (преземи овде)
7. Сите видови на субјекти треба да обрнат особено внимание при изготвувањето, односно при пополнувањето на податоците во образецот СПД – Структура на приходи по дејности, бидејќи податокот за ГЛАВНАТА ПРИХОДНА ШИФРА ја определува дејноста што има најголемо учество во структурата на вкупно остварените приходи на субјектот согласно НКД – Националната класификација на дејности („Сл весник на РМ“ бр 147/08). Врз основа на податоците од СПД се врши ажурирање на главната приходна шифра во Трговскиот регистар. Промена на главната приходна шифра не може да се врши во текот на годината. Определувањето на главната приходна шифра се врши еднаш годишно, односно според податоците од доставената годишна сметка на субјектот. Тоа значи дека менување на главната приходна шифра во текот на годината нема да се врши. Уредбата за НКД Рев.2 можете да ја преземете овде.
8. Доколку при суштинска проверка на податоците од годишната сметка се утврди грешка, одговорниот работник во Централниот регистар по телефон го повикува субјектот да ја исправи грешката. Доколку субјектот не одговори на повикот и не ја изврши исправката, ќе се смета дека годишната сметка на тој субјект не е поднесена.
9. Средните и големите субјекти доставуваат до Централниот регистар ревидирани и одобрени финансиски извештаи, согласно член 482 став 2 од ЗТД, во законски определениот рок.
10. Трговското друштво кое има преовладувачко влијание во едно или повеќе друштва, составува и доставува консолидирана годишна сметка и консолидирани финансиски извештаи во законски определениот рок. Ревидираните и одобрените консолидирани годишни сметки и ревидирани и одобрени консолидирани финансиски извештаи, најдоцна 30 дена од нивното одобрување се доставуваат до Централниот регистар на РМ. Матичниот ентитет не мора да составува консолидирани ФИ доколку и тој е зависен ентитет, кој во целост или делумно е во сопственост на друг ентитет.
