Ве молиме да ни одговорите што претставува даночна основа при продажба на некое добро на лицитација, односно дали постигнатата цена е основица на која е потребно дополнително да се пресмета ДДВ или постигнатата цена е вкупен износ во која е содржано ДДВ ?

Ние сме Друштво регистриран отпад кое врши откуп на железо и друг вид на цврст отпад од физички лица без плаќање на персонален данок на доход. Со Законот за управување на отпад сепак сме ограничени во однос на можноста од едно лице да вршиме откуп на старо железо над 30.000 денари. Ве молиме да ни кажете дали постојат некои новини во однос на наведеното ограничување ?

Здружение на етнолози доделува награда за животно дело и награда за популаризација на културното наследство. Во членот 6 од Законот за персоналниот данок на доход е дефинирано ослободување од персонален данок на доход за награди за животни достигнувања во науката, културата и спортот, но не е дефинирано која институција треба да ги доделува наградите за да важи ослободувањето. Дали оваа награда која ја доделува ова здружение на граѓани согласно член 6 точка 2 од Законот ќе биде ослободена од персонален данок на доход?

Согласно член 6 од Законот за персоналниот данок на доход данок на доход не се плаќа на примањата по основ на стипендии и кредити на ученици и студенти што ги доделуваат органите на државната управа и фондациите во согласност со закон. Дали ова ослободување важи за сите фондации основани согласно Законот за здруженија и фондации и дали при ова е важно дали фондациите имаат овластување од посебен јавен интерес?

Потребна ни е консултација во врска со оданочување на приходи од странство врз основа на издавачка дејност каде продажбата е исклучиво на странски пазар. Се работи за регистрирана издавачка куќа во Македонија која склучува договори со странски артисти (нерезиденти) за користење на нивната музика во компилации кои претставуваат продукт што потоа се продава преку странски интернет портали/електронски продавници. Продуктот не е механички во облик на CD или DVD, туку во електронска форма. Прашањето е дали фактурите треба да се издаваат со пресметан ДДВ.