Врз основа на Законот за вршење на сметководствени работи (Службен весник на РМ 95/2012 година) од страна на министерот за финансии донесени се повеќе нови Правилници кои се објавени во „Службен Весник на РМ број 127/12 од 15.10.2012 година. Со наведените подзаконски акти се пропишува формата и содржината на барањата кои се доставуваат до Институтот за сметководители и овластени сметководители и тоа:
- Барање за полагање испит и формата и содржината на уверението за сметководител, односно овластен сметководител
- Барање за упис во регистарот на сметководители, регистарот на овластени сметководители, регистарот на трговци поединци – сметководители, регистарот на трговци поединци – овластени сметководители и регистарот на друштва за вршење сметководствени работи како и
- Барање за добивање на лиценца за работа на трговец поединец – сметководител, трговец поединец – овластен сметководител и друштво за вршење на сметководствени работи на РМ
Сите подзаконски акти може да ги преземете подолу со кликнување на преземи
- Правилник за формата и содржината на барањето за полагање испит за стекнување со статус на сметководител или овластен сметководител, како и формата и содржината на уверението за сметководител, односно овластен сметководител (преземи)
- Правилник за формата и содржината на барањето за упис во регистарот на сметководители и регистарот на овластени сметководители (преземи)
- Правилник за формата и содржината на барањето за упис во регистарот на трговци поединци – сметководители, регистарот на трговци поединци – овластени сметководители и регистарот на друштва за вршење сметководствени работи (преземи)
- Правилник за формата и содржината на барањето за добивање лиценца за работа и за формата и содржината на лиценцата за работа на трговец поединец – сметководител, трговец поединец – овластен сметководител и друштво за вршење на сметководствени работи (преземи)
На крајот сакаме да Ве информираме дека, согласно сознанијата со кои располагаме, Институтот на сметководители и овластени сметководители до кој се доставуваат пропишаните барања е во фаза на формирање и се очекува да биде фомиран до крајот на месец Ноември 2012 година за што навремено ќе ве известиме.