Од страна на Министерството на финансии на Република Македонија предложени се измени на Законот за платен промет со кои се предвидува одложување на примена на одредбата од членот 25 став (1) од Законот за уште една година, со што правните субјекти со блокирана сметка до крајот на 2018 година ќе можат меѓусебните парични побарувања и обврски да ги намируваат преку компензација, асигнација, цесија и преземање на долг
Потсетуваме дека со постојните одредби од Законот за платниот промет („Службен весник на Република Македонија“ бр. 113/07, 22/08, 159/08, 133/09, 145/10, 35/11, 11/12, 59/12, 166/12, 170/13, 153/15 и 199/15), е пропишано дека учесниците во платниот промет кои имаат блокирана сметка, меѓусебното намирување на паричните обврски и побарувањата преку компензација, асигнација, цесија и преземање на долг ќе можат да го вршат до 31.12.2017 година. Имајќи предвид дека, од 1 јануари 2018 година би престанала можноста за плаќање со пресметка од страна на субјектите кои имаат блокирана сметка, а да не се зададе дополнителен товар на стопанството е оценето дека е неопходно примената на наведената одредба да се одложи за уште една година т.е. до 31.12.2018 година.
Исто така потсетуваме дека не се менуваат, односно продолжуваат да важат одредбите од членот 25 ставот 2 и 3 со кои Буџетските корисници, единките корисници и другите институции кои имаат сметки во Трезорската главна книга не можат да вршат плаќање со пресметка доколку имаат блокирана сметка, односно Јавните здравствени установи кои имаат сметки во Здравствената главна книга не може да вршат плаќања со пресметка доколку имаат блокирана сметка.
МСФИ е Вести: Предлог измени на Законот за платниот промет (продолжување на можноста за плаќање со пресметка од страна на субјектите кои имаат блокирана сметка уште за една година т.е. до 31.12.2018 година)
Други написи за преземање
МСФИ Напис: ДДВ третман на прометот на добра и услуги кон Државната Изборна Комисија за потребите на претседателските и парламентарните избори во РСМ на 24 април и 8 мај 2024 година
Нов заклучок на Владата во однос на деновите кога се организираат претседателските и парламентарните избори на 24 април 2024 година и 8 мај 2024 година
МСФИ Напис: Организиран превоз на вработените до и од работното место (даночен и сметководствен третман во 2024 година)
Соопштение на Владата на РСМ за деновите кога се организираат претседателските и парламентарните избори на 24 април и 8 мај 2024 година
Кориснички дел
Заборавено корисничко име или лозинка
Ве молиме внесете ја вашата email адреса. Корисничкото име и новата лозинка ќе ви бидат пратени по email.