Заради проблемите во однос на комплетноста на податоците за работен стаж добиени од Агенцијата за вработување, Министерството за Финансии на својата веб страна (www.finance.gov.mk) објави известување за начинот на обезбедување податоци за работен стаж во постапката за добивање уверение за сметководител или овластен сметководител.
Известувањето ви гo презентираме во продолжение, додека образецот „Изјава за вкупен број на години работен стаж“ Ви го даваме за преземање подолу .
МИНИСТЕРСТВО ЗА ФИНАНСИИ НА РЕПУБЛИКА МАКЕДОНИЈА
И З В Е С Т У В А Њ Е
за обезбедување податоци за работен стаж во постапката за добивање уверение за сметководител или овластен сметководител
Сите заинтересирани лица за добивање уверение за сметководител или овластен сметководител како доказ за работен стаж, покрај потврдата од Агенцијата за вработување, можат да достават и Изјава за вкупен број на години работен стаж.
Изјавата се доставува во случај кога лицето смета дека во потврдата од Агенцијата не е внесен целиот работен стаж.
Врз основа на Изјавата, Министерството за финансии по службена должност преку надлежните институции, ќе обезбеди податоци за вкупниот работен стаж на барателот на уверение за сметководител или овластен сметководител.
Образецот на Изјавата е достапен на веб страницата на Министерството за финансии (www.finance.gov.mk), во делот Финансиски систем, Сметководствен систем.
Доказите за завршено образование, работен стаж, работно искуство и Изјавата кои се прилог на Барањето за добивање уверение за сметководител или овластен сметководител се доставуваат во оригинал или во копија заверена на нотар.
Лица за контакт:
Александра Димовска
Тел: 02/3106-191
Е-пошта: aleksandra.dimovska@finance.gov.mk
Марина Станојкова Арсовски
Тел: 02/ 3281-062
Е-пошта: marina.stanojkova@finance.gov.mk
Нимет Ајдини
Тел: 02/3106-191
Е-пошта: nimet.ajdini@finance.gov.mk
Изјава за вкупен број на години работен стаж (преземи)
