Според најновата од
лука на Регулаторната комисија за енергетика цената на бензините од 12 февруари 2013 година се зголемува за 2,5 денари, а дизелот и екстралесното поскапуваат за половина денар.
Согласно одлуката, новата цена на литар еуросупер БС-95 ќе изнесува 84 денари, а на еуросупер БС-98 85,5 денари.
Литар еуродизел ќе се продава за 71,5 денари, а литар екстра лесно масло за домаќинство (ЕЛ-1) по 60,5 денари.
Одлуката се образложува со растот на просечната цена на сурова нафта на светскиот пазар за 3,46% во изминатиот двонеделен период.
Инаку, денес на светските берзи цената на барел нафта се лизна под 118 долари, заради загриженоста на инвеститорите од состојбата во еврозоната. На крајот од минатата недела силниот раст на кинеската трговија во јануари ја катапултираше цената на нафтата на светските берзи. Оваа недела многу азиски пазари ќе бидат затворени заради кинеската Нова година, па и обемот на трговијата веројатно ќе биде послаб.
