Практиканството за прв пат се уредува со посебен закон. Имено, во Службен весник на РСМ“ бр. 98/2019 објавен е Законот за практиканство со кој се овозможува стекнување практично искуство на невработените лица, зголемување на нивните вештини и полесно вклучување на пазарот на трудот и создавање можности и услови на работодавачот за вработување на лица со практично искуство кои имаат одредени вештини и знаења за одредени работи и работни задачи. Овој закон влегува во сила осмиот ден од денот на објавување во “Службен весник на РСМ”, односно на 29.05.2019 година. Повеќе во однос на новото Законско решение може да прочитате во Написот кој може да го симнете со кликнување на повеќе..

Во „Службен весник на РСМ” бр. 98/19 објавен е Законот за изменување и дополнување на законот за данокот на додадена вредност, кој стапи во сила на 21 Мај 2019 година. Со оваа измена на Законот за ДДВ дадена е можност на даночните обврзници кои сакаат доброволно да се регистрираат за целите на данокот на додадена вредност, тоа да можат да го направат со поднесување на Пријава за регистрација за данокот на додадена вредност до Централниот регистар на Република Северна Македонија….

Во „Службен весник на РСМ“, број 98 од 2019 година објавен е Законот за изменување и дополнување на Законот за регистрирање на готовински плаќања кој влегува во сила на 29 мај 2019 година. Со кликнување на повеќе, може да го симнете Написот во кој подетално Ве запознаваме со новите законски измени во фискализацијата…

Во Службен весник на РСМ број 96/2019 година објавен е новиот Закон за прекршоци кој влегува во сила на 25.05.2019 година, освен одредбите на член 70 од овој закон (право на поведување управен спор) кои ќе отпочнат да се применуваат од 1 јануари 2021 година…

Од 1 Јуни 2019 година согласно член 182 став 2 од Законот за спречување перење пари и финансирање тероризам, („Службен весник на РМ“ бр.120/18) забрането е плаќање со готовина на стоки и услуги во износ од 500 евра или повеќе во денарска противвредност во вид на една или повеќе очигледно поврзани трансакции, што не е извршено преку банка, штедилница или преку сметка во друга институција која дава платежни услуги….

Со преминувањето на земјата во втората фаза од Спогодбата за стабилизација и асоцијација (во натамошниот текст: ССА), правните и физичките лица можат да вложуваат во недвижности и во хартии од вредност во странство. Во написот кој може да го симнете со кликнување на повеќе, Ве потсетуваме на постапката за упис на директните инвестиции во регистарот кој, во електронска форма, се води во Централниот Регистар, како и на последиците кои можат да произлезат од неисполнувањето на обврската за упис на директните инвестиции во регистарот…

Сметководствениот третман на државните поддршки и други видови на државна помош и нивното презентирање во годишната сметка и финансиските извештаи е уредено со Правилникот за водење на сметководството (“Службен весник на РМ”, број 159/09,161/10 и 107/11) и тоа во: МСС 20 – Сметководство за државни поддршки и обелоденување на државна помош, кој го применуваат средните и големите ентитети) и Оддел 24 – Државни поддршки од МСФИ за МСЕ, кој го применуваат малите и микро ентитети). Во написот кој може да го симнете со кликнување на повеќе подетално низ примери се осврнуваме на сметководствен третман на признавање на приходите од државни поддршки…