МСФИ КОНСАЛТИНГ Ве поканува на ЕДНОДНЕВНО КОНТИНУИРАНО ПРОФЕСИОНАЛНО УСОВРШУВАЊЕ бр.1/2024-8 часа за изготвување на годишна сметка и финансиски извештаи за 2023 година ВО МЕСЕЦ ЈАНУАРИ / ФЕВРУАРИ 2024 ГОДИНА во следните термини и градови:

I. КПУ ОБУКИ СО ФИЗИЧКО ПРИСУСТВО
– 31 Јануари 2024 година (среда) во Хотел Оаза – Штип
– 2 Февруари 2024 година (петок) во Хотел Холидејн Ин – Скопје
– 6 Февруари 2024 година (вторник) во Хотел Кристал Палас – Прилеп
– 8 Февруари 2024 година (четврток) во Хотел UNIQUE Resort & Spa – Охрид

II. ОНЛАЈН КПУ ОБУКИ
– 1 Февруари 2024 година – (четврток) – онлајн
– 9 Февруари 2024 година – (петок) – онлајн

Во написот кој може да го преземете со кликнување подолу на преземи се осврнуваме на начините на престанување на обврските, со посебен акцент на престанување на обврските со: исполнување, компензација, отпуштање долг и новација. Исто така Ви даваме и терк на договор за компензација и ви даваме пречистен текст на Законот за облигационите односи…

Согласно член 32 став 9 од Законот за вршење на сметководствени работи (“Службен весник на РСМ”, бр. 173/22) правните лица со лиценца за работа се должни најдоцна до 31 јануари 2024 година да достават во ИСОС список на лица вработени со нивните звања, со нивен регистарски број под кој се запишани во соoдветниот регистар во Институтот и доказ за годишно осигурување од штета при вршење на професионална дејност. Полисата за годишното осигурување согласно член 32 став 2 точка 6 од Законот треба да изнесува: за ТП – сметководител на износ од минимум 2.000 евра во денарска противвредност по штетен настан, за ТП – овластен сметководител на износ од минимум 10.000 евра во денарска против-вредност по штетен настан и за Друштво за вршење на сметководствени работи на износ од минимум 20.000 евра во денарска противвредност по штетен настан…

Во Службен весник на РСМ број 18 од 25 јануари 2024 година објавен е Правилникот за спроведување на Законот за данокот на додадена вредност кој влегува во сила од 26.01.2024 година. Во однос на начинот на утврдувањето на местото на промет на услугите во контекст на примена на новата содржина на членот 14 од ЗДДВ која започна да се применува од 1 јануари 2024 година особено се значајни одредбите од член 2 до член 5 од Правилникот…

Со Одлуката за изменување на одлуката за посебни услови за трговија на одделни стоки, определување на највисоки цени за одделни производи во трговијата на мало, како и обврска на трговците да прибавуваат и продаваат определени видови и количества на одделни стоки на потрошувачите според определен редослед (“Службен весник на РСМ”, бр. 17 од 24.01.2024 година) продолжена е примената на гарантирани цени на одделни производи до 29.02.2024 година….

Во Службен весник, бр. 17 од 24.01.2024 објавена е измена на Одлуката за определување на највисоки цени за одделни производи во трговијата на големо и трговијата на мало со која е продолжено нејзиното важење до 29 февруари 2024 година. Потсетуваме дека ограничувањето на цените се однесува на следните производи: 1) светло пиво во пакување од 1,5 l во шише; 2) газирани пијалоци (сокови) во пакување над 1 l во шише; 3) негазирани пијалоци (сокови) во тетрапак пакување и
4) минерална, газирана и негазирана природна изворска вода во пакување над 1 l во шише…

Со написот кој може да го симнете со кликнување на повеќе, ве потсетуваме на обврската на работодавачите кон работниците при секое исплаќање на платата во текот на 2023 година како и до 31 јануари 2024 година да издадат писмена пресметка за исплатените плати, надоместоци на плата, за платените социјални придонеси и данок на доход. Исто така Ви даваме пречистен текст на Законот за работните односи и Терк на збирна пресметка за исплатените плати во 2023 година…